كيف الحال
اول خبر على موقع تطعيس
تستعد قطر بأول بطوله ساند درق 100 متر الشهر المقبل
التاريخ 25 - 11 - 2007 م
المكان : منطقة سيلين
الحدث: دراق ريس رملي 100 م سيارات فقط
البطولة راح تكون خاصة بسيارات الدفع الرباعي
من 3 فئات
فئة 6 سلندر ستاندر
فئة 6 سلندر فول
فئة الوحوش 8 سلندر
الشروط
انه السيارة تكون مجهزة بالسيفتي الداخلي ( رول كيج )
فئة 6 ستاندر لازم يكون ناقل الحركه ( القير ) عادي
فئة 6 فول و 8 يسمح بالاوتماتيكي والعادي
راح يكون فيه مشاركات من قبل اخوانا في دول الخليج
الامارات + السعودية
وراح يشارك معانا كبار الابطال من الامارات
بدر أهلي
خالد البلوشي
بالاضافة الى العديد من الابطال
كما سيشارك في الحدث ابطال قطريين وبعض السيارات المشاركة مجهزة تجهيز كلي في قطر
من ناحية المحرك وهيكل السيارة
طبعا الراعي الرسمي للحدث هو الشيخ /خالد بن حمد آل ثاني
بالتعاون مع الاتحاد القطري للسيارات والدراحات الناريه وسيكون الآخر المسؤول عن تنظيم الحدث
راح يسمح بدخول السيارات الموجوده خارج البلاد للبطولة
بعد أخذ الموافقه المسبقة بشرط المشاركة في البطولة
وراح اوافيكم بكل المستجدات حول هذا الموضوع وقت توفرها
شدوا حيلكم يا شباب والي عنده موتر يجهزه من الحين
دمتم بخير
