السلام عليكم ورحمة الله
كثير نشوف ناس يسألون عن برمجة السيارة
كيف؟؟ ووين؟؟
البرمجة أول شي ما تحتاج لواحد محترف زي الميكانيكا
يعني كله شغل بسيط ويحتاج شوي فهم..
اولاً..
كيف ابرمج السيارة ؟؟
تقدر تبرمج السيارة عن طريق جهاز أعادة البرمجة وهناك انواع كثيره
Hypertech
شرح بصور لطريقة برمجة الكمبيوتر زر يمين وحفظ بأسم
و
Superchips
وكل جهاز برمجة يعطيك صلاحيات محدده حسب كمبيوتر السيارة
فيه أمور مايسمح لك كمبيوتر السيارة تبرمجها لكن أغلب الاشياء المهمه
تقدر تتحكم فيها
مثل..
الحد الاعلى لـ RPM
ومحدد السرعة
ونسبة دخول الهواء للمحرك وزيادة البنزين و قوة الشرارة و وقت تشغيل المروحة الاضافية عند ردجة حرارة معينة
واذا كنت مغير الجنوط بحجم اكبر او اصغر تغير مقاس الجنط بالكمبيوتر عشان يعطيك
قرائة صحيحة للعداد
هذي اشياء رئيسية
وبنسبة لسيارت المزودة بزر بور يتحكم بالنظام
يعني اذا شغل البور القير مايعشق الا بعد رقم محدد RPM و تشغيل المراوح لااضافية
او السرعة الثانية للمروحة
لكن العيب أن تزيد صرفية السيارة عن العادة وتعطيك قوة و تورك حلووين
سيارات البنزين تعطي بين 20 الى 30 حصان
اما الجموس و الوانيتات الديزل الامريكية اعطي الى 100 حصان وتورك عالي جداً
لكن بعض الناس يقولون مابغى ابرمج السيارة وهي استخدم يومي!!
براحتك عندنا الحل تشتري قطعة CHIPS وتحط عليها المعلومات اللي تبغى من كمبيوترك الخاص و تشبكها بفيش كمبيوتر السيارة وتتغير برمجة كمبيوتر السيارة
على حسب برمجتك لـ CHIPS واذا خلصت وتبغى ترجعها برمجة بلد بس تشيل الـ CHIPS
لكن هل جميع السيارات تقدر نبرمجها؟؟
لا
السيارة المزودة بكمبيوتر يعني سيارات البخاخات بس..
لكن البرمجة فيه صعوبة شوي يعني اذا برمجته بنفسك بتحصل اللي تبغاه
لكن لو برمجتها على داينو؟؟
بتحصل أكثر لأنو اذا برمجتها على الداينو بيكون افضل و بتقدر تنسق بين
كمية الوقود و الهواء وكذا بتحسن صرفية البنزين ..
لكن هل الجهاز يبرمج جميع أنواع السيارات؟؟
لا كل سيارة لو جيل من السايارت له كمبيوتر خاص
مثل اليوكن من 2000 الى 2006 كمبيوتر غير يوكن موديل 2007و2008
لكن فيه كمبيوترات تبرمج عدة سيارات مثل الشيروكي و الشفرولية و الفورد و و و أغلب السيارات الامريكية
الاسعار
بنسبة لـ الكمبيوترات سواء Superchips و Hypertech تبداء من 299دولار وطالع
أما CHIPS تبداء من 250دولار وطالع
كم أسعار البرمجة بسعودية؟؟
تختلف من كراج الى كراج
مثلا بالشرقية عند الكابتين هشام الملا البرمجة بـ 450 و الداينو 500
لكن اذا تبغى تلعب فيه أنت وتتحكم فيها حسب رغبتك و اللي براسك تشتري
جهاو او تشيب احسن..
أرجاء ذكر المصدر عند النقل
أتمناء اكون وصلت لكم الفكرة تمام