السلام عليكم ورحمة الله..

استكمال لموضيعي السابقة

نصائح لمن يريد تزويد محرك..شرح مفصل + صور + افضل القطع..

نظام الاشعال و طريقة عملة و تطويرة شرح بصور..

الفلتر شرح مفصل لتركيب الفلتر بطريقة الصحيحة ونصائح والاسعار ..

برمجة السيارة وطريقة البرمجة وانواع البرمجة ..شرح كامل بتفصيل..



موضوع اليوم هو..



نظام الوقود FUEL SYSTEM

يتكون نظام الوقود حسب نوعة ..


نظام الوقود القديم الكابريتر..


ونظام الوقود المتطور البخاخات..


راح نمسك نظام الوقود الجديد نظام البخاخات..

من ماذا يتكون النظام هذا؟؟

1-طرمبة البنزين..



2-فلتر البنزين..


3-منظم البنزين Regulators



4-المسطرة



5-البخاخات



كيف أطور نظام الوقود

الطرمبة

أول شي الطرمبة ويتم تغيرها بواحدة أقوى او تركيب طرمبة اضافية

أما بطرمبة تكون In-Tank Fuel Pumps
يعني طرمبة داخل التانكي



أو طرمبة خارجية وهذي تكون افضل




شرح لطريقة تركيب الطرمبة الخاريجة


الفلتر

هنا تقدر تركب فلتر يسهل عبور البنزين فيه ويفلترة يعني مايسوي زحمة على مرور البنزين



المنظم Regulators


بنظم دخول البنزين و موازنته بين المساطر والبنزين الزايد يرجعة لتانكي



شرح لطريقة عمل المنظم Regulators



المسطره



مهمتها توزيع البنزين على البخاخات


البخاخات



وهنا مربط الفرس بعد ما تعدل على النظام كلة وتركب البخاخات ..

البخاخات منها احجام!! كيف بتعرف اللي يصلح موترك؟؟



وهذي طريقه

لإختيار حجم البخاخان المناسب لإحتياجاتك لربما تحتاج إلى تطبيق المعادلات التالية

في اغلب الحالات يكون محرك التنفس الطبيعي يحتاج إلى 50 lbs في الساعة من البنزين لكل حصان ينتجه اما محركات التيربو أو السوبر شارجر فتحتاج إلى 60 lbs في الساعة أو اعلى بالذات للسوبر شارجر .. أغلب البخاخات تعمل بـ 80% من طاقتها مما يقودنا للمعادلة

حجم البخاخ المطلوب = ( القوة الحصانية × المعامل ) ÷ (عدد السلندرات × 0.8)

مثال : محرك 200 حصان و 4 سلندرات تنفس طبيعي

نحط في البسط 200×0.5
نحط في المقام 4×0.8
مقاس البخاخ المناسب = 31.25lbs

ممكن معادلة ثانية و مبسطة و اسهل للموضوع


مقاس البخاخات مجتمعة =عدد الاحصنه ضرب المعامل


طب المعامل انا عندي مشكلة لأنه مو دائماً يكون هو رقم واحد بل يختلف على قوة المحرك

المعامل يتغير طبعاً ممكن على حسب


استبدل المعامل بـ(0.45_0.40 ) اذا كان ستريت أو انه عليه خفايف
استبدل المعامل بـ(0.5)اذا كانت المكينة ملغمة و عليها شغلات جامدة
استبدل المعامل بـ(0.45_0.55 ) في حالة كون المحرك قوي جداً جداً
و اذا كان المحرك عليه اي نوع من الشواحن الهوائية تيربو ولا سوبر شارجر أو حتى نايتروز نستبدل الرقم بـ(0.6)

وهنا تبرمج الكمبيوتر من جديد و تسوي اللي يحتاجة المحرك..


لكن الامريكي مايبغى شي والياباني كيف؟؟

اليابناني عنده حل من اثنين

1- استبدال الكمبيوتر بكمبيوتر اخر رياضي

2-تركيب جهاز ابكسي

جهاز الابكسي

يتحكم الجهاز بموازنه البنزين والبخاخات
على النسبه اللي انت تبغاها

يقوم بقراءه نسبه الخليط

وضغط التيربو
وضغط المكينه

وميزته انه يركب على اي موتر بنظام البخاخ

مايحتاج برمجة كمبيوتر و خربطة..


((ملاحظة ذبحني الموضوع هذا مره طفى الجهاز قبل لا أخلص بشي بسيط ومره ثانية طفى الكهرب وانا اسوي معاينة للموضوع))


اتمنى اكون وصلت الفكرة بشكل صحيح


أرجاء ذكر المصدر في حالة النقل