|
|
|
|
|
|
|
|
|
|
|
|
|
|||||||
تغطيات تطعيس : قسم خاص للتغطيات المتعلقة برياضة السيارات والدراجات النارية , مواضيع هذا القسم تندرج مع المواضيع بعد موافقة الإدارة عليها |
 |
|
|
LinkBack | أدوات الموضوع | تقييم الموضوع | انواع عرض الموضوع |
23-02-2006, 15:46
|
#1 (permalink) |
|
عضو حماس
  
|
تقرير خاص : رحلة الانجاز القطري في تل مرعب ..
 : : الصور كثيرة يرجى الانتظار لحد اكتمال الصور :: يسرني ان اقدم لكم التقرير الخاص لرحتنا الى الامارات العربيه المتحده للمشاركه في بطولة تل مرعب 2006 ولله الحمد حققنا المطلوب والحصول على المركز الاول بالفئة المفتوحه بدراجة نواف الهاجري بقيادة السائق الاماراتي المميز " حمد صالح " ليس الفوز فقط بل تحطيم أفضل رقم للوصول لاعلى التل .. بالاضافه الى الحصول على المركز الثالث بدراجة فهد صويان الهاجري بقيادة السائق القطري المحترف " مسند الهاجري "وفي فئة الكروز " عجلتين " حقق صاحبنا احمد المركيز الاول والثاني .. الحين اتركم مع التقرير وسمحولي باستخدام العاميه بالكلام عشان اخذ راحتــي اكثر بالسوالف لوووول .. والتعليقات ...!  اول شي حبيت أعرفكم بفريقنا " ساند تويز " فريق مكون من شباب قطريين واماراتيين تعاونوا على المحبه وبيد وحدة حققنا الي نبيه بأول مشاركه جماعيه .. وهذا شعار الفريق . .شرايكم فيه فنـــان .. صح .. ؟  أعضاءالفريق من قطر هم : نواف الهاجري مسند الهاجري فيصل الهاجري فهد الهاجري غانم النعيمي ناصر النعيمي محمد الربان اخرا وليس اخيرا " عيد المهندي " لووووول <<< لاحظوا عدل لووووول ... وكنانتمنى وجودعبدالعزيز المهندي و عيسى الكبيسي معنا .. لولا ضروفهم الي تمنعهم من الحضور .. << وسمحولي اذا نسيت احد منكم >> أعضاءالفريق من الامارات هم : محمد عمير المشغوني احمد عمير المشغوني >> هو العضو UAEBOY حمد صالح الجابري واخوانه محمد مبارك الهاجري خلفان درويش المنصوري مبارك صياح المزروعي مبارك العامري عبدالرحمن عبدالله خليفه العبار حسين << وسمحولي اذا نسيت احد منكم .. العتب على الذاكره >> والصراحه كلهم ماقصروا معنا من اول نــفر حتى اخر نفر .. " لووول " وماشاء الله عليهم وفرولناكل التسهيلات وسبل الراحه في كل مكان .. المهم .. ووووعاااااااااااااااااااد أقولك ..! خخخخــ .. ولاننسى من امريكا : مستر كيــم وابنــائه " راندي + ريسي " هم صانعين دراجات K&T  الشباب راحوا الامارات قبل السباق باسبوع اما انا رحت لهم قبل السباق بيوم خبركم " مدرســـه " << الاخ شاد حيله ..!هع هع .. واول يوم وصلت طبعا على طول رحت مقر الاقامه " طبعا هو بيت في منطقه مصفح الصناعيه " وريحت هناك والشباب كلهم كانوا موجودين تعشينا .. وقعدنا نسوووولف ونتغشمر لحد الفجر .. وبعدها كل واحد سووااا سليب لووول ZzzZZzz .. قمت ثاني يوم وقلت لازم أخذ لي كم صورة للمكان .. وهذي الصور .. تفضلوا : هذي صورة خارجيه للمكان :  مواترنا :  وهذي الدراجة 7 ملي " بس للاسف ماحققت مركز " :  دراجة مسند .. 10 ملي 580 CC ..  وهذي بعض الدراجات على التيادر :  وبعض الاستعدادات للرحله :  الساعة 11 الصبح ضبطنا أمورنا عشان نروح الكراج ونسحب باقي الدراجات شيكنا عليهم كلهم . وحملناهم ع التيادر وتوكلنا على الله .. اول شي سويناه ... قلنا . وين أقرب مطعم <<< لووول حزت غدا .. المهم تغديناوعينا من الله خير.. وتوكلنا الطريق من مصفح الصناعيه " ابوظبي " الين ليوا " مكان اقامة السباق " تقريبا فيه 3ساعات او 4 ساعات على حسب السرعه .. وصلنا هناك على الساعة 4ونص اذا ماخاب ظني .. ورحنا نسجل الدراجات وبعد مادخلنا مكان السباق أخذت لكم هالصور : 3 سلندر لخلفان درويش المنصوري :   بانشي 18 ملي + غاز :   بطلة المرعب لهذي السنة 3سلندر لنواف الهاجري :   بانشي 10 ملي لمسند الهاجري :  بانشي 10 ملي لمبارك الهاجري :  بانشي 10 ملي لاحمد المشغوني :  بانشي 7 ملي لمحمد الربان :   الربع يضبطون امورهم قبل السباق  صور منوعه :   للاسف صار الي كنت خايف منه . .الكاميرا عاندتني ووقفت عن التصوير .. قلت مافي الا اني اصور بالكاميرا الفيديوا .. جان اشغلها واصور وعن قريب راح انزل لكم الافلام .. انــــزين .. عاد رحت انا وكم واحد من الشباب المنصه يريت لو الكاميرا الدجتل شغاله عشان اصور .. المهم وصل دور مسند بأول ضربه حصل على المركز الاول .. ووقته كان احسن تايم بس بعد فترة اماراتي وصل بوقت أسرع منه .. قلنا مو مشكلة المركز الثاني شي طيب .. ولكن مع مرور عدد اكثر من المتسابقين والدراجات ,, وصل واحد باسرع وقت من التايمين ..وبجذي يكون هو الاول والثالث مسند .. انا عن نفسي تحطمت لانه صرنا الثالث يعني باي وقت ممكن نوصل للرابع بس الحمدلله ثبتنا على الثالث وبنفس الفئة حقق محمد الربان المركز الرابع " واول مشاركه له في بطولة دوليه " .. بعدها انتقلنا للفئة الاولى الـ 10 ملي .. وللاسف لم نحقق شي بدراجة مسند للاسف اول تجربه والسواق ماكان ماخذ عليها عدل ولا غيرها من الدراجات المشاركه من فريقنا .. وانقلنا للاهم الفئة المفتوحه دخلنا بـ 3 دراجات 2منهم 3سلندر ووحدة 18 ملي + غاز . حققنا بدراجة نواف الهاجري .. المركز الاول بفضل الله ثم السائق المميز " حمد صالح " ونقول لحمد حمدالله على سلامتك يا الغالي .. والحمدلله جت سليمه .. بتقولون ليش .. ؟ بقولكم .. لما انهى الضربه الثانيه ولما طاف خط النهايه اعترضت عليه الدراجة وطب منها .. والصراحه حمد عيني عليه بارده فنـــان ودريول " ماشاء الله " وحتى بشهادة الامريكي مستر كيم .. قال : يليت لو عندي سواق مثل حمد .. وبعد هذي الفئة خلص السباق والحمدلله كلنا مستانسيـــن سوينا مسيره " لوووول " واحنا راجعين .. طبعا مو راجعين ابوظبي .. نو نو نو .. رحنا مزرعة واحد من الشباب في منطقة مزيرعه . تقريبا تبعد ربع ساعة عن موقع السباق .. وصلنا المكان .. وكان في عشاء بمناسبة الفوز .. ( ماقصرت يا بوصياح خوووش عشاء ) وبعدها قعدنا كلنا وكان جمعه حلووه عسى ادووووم ان شاء الله مو بس بالبطولات حتى بالاجازات .. المهم شفنا الافلام الي صورناها .. والي ماحالفه الحظ شاف اخطاءه وباذن الله يتعلم منها ويستفيد منها للمستقبل .. بهالوقت شكيت انا على كاميرتي وعطيتها واحد من الربع يتعبث فيها .. ومشااء الله يده مباركه .. اشتغلت معاه .. جااااااااااااااااااان اطلع اروح اصور .. صج انه المكان كان ظلام وخرررررمس .. بس الفلاش يسوي شغل .. شوفوا الصور :          ورجعت انزل الصور ع الكمبيوتر .. وررررررررررقدت .. ثاني يوم الصبح .. تفطرت وخلصت .. ورحت اصور الدراجات مره ثانيه .. <<< اشفيك مو مصدق .. ؟                         وهذي صور للمزرعه الي كنا فيها :    وانا اصور انتبهت على حركه مسويها واحد من الشباب .. بصابون لوكس .. خخخــ :  ولحد ماصحوا الشباب كلهم تغدينا .. وريحنا شويات .. وضبطنا امورنا . .بعض الربع رجعوا الدوحة .. وتمينا انا ومسند وفيصل .. لحضور سباق السيارات و التتويج واستلام الجائزة << اهم شي هااي لوووول .. رحنا موقع السباق على المغرب .. وستغربت الصراحة عدد الحضورالقطري كثير بعكس يوم الدراجات .. اول شي رحنا نطالع مكان التجارب .. وشفنا استعراض البقيات شي عجيب وبعدها رحنا مكان السباق .. وقعدنا بالمنصه هع هع .. عشان نحظر سباق السيارات .. واول شي سويته دام الكاميرا شغاله اصور ابرك لي قبل لاتعتفس .. وصورت لكم الربع .. مسند الهاجري يسار و مبارك الهاجري يمين  احمد المشغوني  محمد المشغوني <<< الي ورى مادري شفيه متخرع  الامريكان : رادني - كيم - ريسي  وهذي للسيارات .. " كان ودي اصور اكثر بس للاسف الزوم ضعيف عندي مو شي "  وهذا موتر خالد بن حمد بعد الحادث .. الحمدلله السائق ابراهيم البلوشي وملاحه ماصار فيهم شي وهم بعافيه ..  المنافسه كانت حلووه وقويه بين السيارات خاصه الـ 8 سلندر كانت مشوقه .. ومثل ماشفنا النتائج بفئة الـ 6 سلندر ستاندر .. فاز العنابي ريسنغ من قطر بالمركز الاول .. بعد ماخلص السباق ستغليت الفرصه قبل التتويج ورحت اصور لكم سيارة بطل الـ 8 سلندر حمدان المزروعي " الياسي "     اما الحين ننتقل للتويج .. البطل مسند الهاجري . .صاحب المركز الثالث بالفئة الثانيه :  صورة جماعيه للـ 3 مراكز الاولى في الفئة الثانيه :  مستر كيم " صانع دراجة نواف " يتسلم جائزة المركز الاول بالفئة المفتوحه وهي عبارة عن كأس + دراجة YFZ 450    وهذي صورة جماعيه من اليمين " بوسنيده - مسند - احمد - كيم "  وهذا مســند مع الجائزة الكبرى والكؤوس :  مسند مع بطل الـ 8 سلندر حمدان المزروعي :  وهذي صورة جماعيه بس للاسف ما ضبطت .. لووول :  وفي الختام .. أهني وابارك للربع كلهم من قطر والامارات على الانجاز الطيب .. وماقصرتوا يا اهل الامارات كفيتوا ووفيتوا وان شاء الله نردها لكم بقطر .. واكثر .. :: وانتظروا افلام البطولة قريبا .. . اخوكم . جروحي . |
|
|
24-02-2006, 05:25
|
#7 (permalink) |
|
عضو فريق التغطيات
 
|
مشكور أخوي QaTaR Boy على هذا التقرير المفصل لرحلتكم لدولة الإمارات والف مبروك لكل أعضاء فريق " ساند تويز " على هذا الإنجاز العظيم موضوع رائع ودراجات أروع أتمنى لكم المزيد من الإنجازات والابداعات والحمد لله على سلامة الكابتن /" حمد صالح " وما يشوف شر إن شاء الله ومرحبا بكم في منتديات تطعيس ننتظر منك أفلام الفيديو بأسرع وقت ممكن تحياتي Osama
__________________
 osos001@gmail.com |
|
|
|
24-02-2006, 07:09
|
#8 (permalink) | |
|
عضو حماس
|
اقتباس:
الله يبارك فيك اخوي .. وابـشــــر بالجديد يا الغالي .. .. . |
|
|
|
|
24-02-2006, 07:14
|
#11 (permalink) | |
|
عضو حماس
|
اقتباس:
الله يبارك في اخوي اسامه ... وعن قريب راح انزل الافلام ولايهمك .. |
|
|
|
![تغطية بطولة عنيزة الدولية الأولى للسباقات الرملية 1429 هـ [ سيارات - دراجات ]](http://www.t63ys.com/a3lan/3nyzah29t-04.gif "تغطية بطولة عنيزة الدولية الأولى للسباقات الرملية 1429 هـ [ سيارات - دراجات ]")
