كرامه

فيه ضعف عندك بشنبر المكينة ويضير الضغط برا الغرفة الاحتراق ثم مع الانضغاط يهرب زيت.

القير تاكد من الزيت نظيف حقه.


تاكد من سلاك الدعسة اللي عند المكينة سليم .









 

__________________


التطعيس فن وليس تهور
kramh4@hotmail.com

عاسف الجن

سنايدي ياكرامه ليتك تجينا بالشمال والله لخلي لك عين فراش وعين غطاء بس ماقلت لي وش احسن زيت للقير وش اسوي بالماكينه وكم تكلف تقريبا وارجوك تحملنا ترنا نغليك









 

ابو مشاري1

السلام عليكم/يعطيك الف عافيه ياالمتألق(كرامه)على هالمجهود الرائع ويجعلها الله في موازين حسناتك









 

WranglerLove

الله يعطيك ألف عافية أخوي الغالي كرامة على هالخدمة اللي تقدمه للشباب

أنا عندي رانجلر موديل 2002 فيه صوت في القير وصعوبة في التعشيق نفس الصوت اللي يطلع لما تعشق بدون دعس الكلتش مع أني أكون داعس الكلتش للأخير ... يظهر هذا الصوت فقط لما أرده من الثالث إلى الثاني فقط ولكن إذا خفت سرعة السيارة شوي يلقم القير في الثاني بسهولة أما باقي التعاشيق 100% مافيها أي مشكلة
وديته لورشة وقالو لي القير مافيه أي مشكلة ولكن المشكلة في الكلتش غيرت حذاف الكلتش مع البيرنق وخرطت الصحن ولكن بقيت المشكلة كما هي لم يتغير شي ووديته عند ورشة ثانية قالو لي تحتاج تغيير قطعتين من القير الثاني متطابقتين تماما ما اعرف اسمها ولكنها قطع دائرية مفرغة من الداخل ولها اسنان كثيرة من الخارج غيرتها مع الصوف حقتها وبعد تركيبها بقيت المشكلة كما هي..
بصراحة جاني إحباط مدري وش ممكن يكون سبب الصوت هذا؟؟؟

إذا تقدر تساعدني في حل المشكلة أكون لك من الشاكرين
لا عدمناك يالغالي









 

ابو مشاري1

الأخ/WranglereLoer]لسلام عليكم
أخي الكريم مشكلتك حدثت معاي في جيب شروكي 98 بالضبط وطلعت من حاجه أسمها جلده(ربله)عصا القير وتكون أسفل العصا وهي عباره عن جلده دائريه مفرغه من الداخل وركبت مكانها حقت جيب شاص موديل97 وعلى العموم ننتظر ردود الأخوان الله يجزاهم خير وخاصه أخينا المبدع كرامه









 

كرامه

الله يسلمك أخوي عاسف الجن.

بنسبة لزيت زيت بترمين مقاس عيار 90 لتروس.

وما المكينة لزم تفك وتركب له شنبر وتكلفه تقريبا حول 3000 ريال مع القطع


وشكرا لك..





رانجلر حياك اخوي.
النمرة اللي يطلع فيها الصوت عندك النحاسات تعبانه.

بعدين اذا أنت غيرتها وروك القطع القديمة ؟
عادي ترا فيه ورش يقولون غيرنهاوهم انواع النصب .

واذا انهم مغيرنه صحيح أحسن حل أنك تبدلة مع واحد ثاني من التشليح نظيف وترتاح عشان قليل اللي يضبط شد القير.

وشكرا لكم على المشاركة الطيبة.

كرامه وكوم.









 

راعي كيف

اخوي كرامة كرم الله وجهك عن النار واعز مقدارك واثابك المثوبة الطيبة ورزقك الله من حيث لاتحتسب وامد الله بعمرك و بك وبرزقك ونفع وجزاك الله عني وعن الأخوة خير الجزاء.

عندي مشكلة بسيطة
1- إذا شغلت المكيف واحيانن من دون مااشغل المكيف ينزل امبير الضغط حتى اخر شيء واحياناً يطفى الموتر وإذ كنت واقف ترج الكمينه الين ادوس او امشي.

السيارة شروكي 96 عادي .

وكثر الله خيرك واسف على الإطاله


اخوك راعي كيف









 

__________________
لذوق كيف ولستماع القصيدِ &&& لقدمو رسلان ولا بغاديد
ثنتيت هيل وثالثتهن عويدي

كرامه

فيه حساس عندك بثلاجة يبي تنظيف ولا تغير عند فتحت الهواء ..









 

كرامه

فيه حساس عندك بثلاجة يبي تنظيف ولا تغير عند فتحت الهواء ..









 

أبوطرق

سلاااااااااااااااااااااااااااااااااااااا ااااااااام

أخوي كرامه

أنا موتري وكما سبق ان قلت لك 2001 تماتيك

عندي مشكله الا وهي اني اذا كنت امشي 60 وفوق واطلقت الدوسه
تسمع صوت بالكارونه او بالعامود تقريباً (( قووقوووقووو )) غيرت الصليبات مانفع
وغيرت الزيت 140 وحطيت زيت احتكاك
والى الحين ماراح الصوت فوش رايك









 

__________________

عاسف الجن

اخوي كرامه انا اغيب اروح للغنم وتوني قريت تعقيبك يعطيك العافيه بس اذا طولت وماصلحت الشنبر وش المضاعفات ياسنايدي على الماكينه والسياره ارجوك لاني ماعندي غير الجيب استعمله وايضا وش اهم شى انتبه له اذا صلحت الشنبر تكفى يامال الشحم ؟؟؟؟؟؟؟؟؟









 

كرامه

أبو طرق:
غير الدفرنس من التشليح كامل أحسن لك من وجع الراس والقطع الغيار ويمكن ومايضبط بعد التصليح خذ من التلشيح واحد نظيف مافك قبل ونم,


عاسف الجن:
يضعف الموترويصرف زيت وباي وقت تطق مكينك.
أنتبه لتهريب الزيوت والصوف.


يامال الشحم بالله وشي من الاعراب؟؟؟؟؟؟









 

عاسف الجن

اخوي كرامه يامال الشحم يعني (تستاهل انت من يكرمك ولكن ليس اي شي بل مثلك يجب ان يكون اكرامه وضيافته شي ذا قيمه من اسمن الابل او الغنم المليئه بالشحوم الطبيعيه وليست هزيله اومريضه اوبها اي عيب خلقي بل هي غاليه الثمن ) اعذرني على تاخر الرد









 

عاسف الجن

اخوي كرامه.............. بالمختصر لم اجد بيت يعبر عن وصف شعوري الصادق بتقديرك اصدق من هذا البيت والذي هو من اقوى بيوت الشعر الفصيح ويمثل حال الناس كيف ان كلهم يرغب ان يكون كبيرا في مجتمعه(قومه)ولكن هناك عقبه وشرط لا بد من تحملها او بمعنى حديث معاصر (ضريبه)من ماله ووقته وراحته واحيانا حياته نفسها توخذ ويدفعها ثمنا ......؟؟؟اليك كرامه اهدي هذا البيت لانك دفعت من وقتك وراحتك في سبيل مساعدة ...اشخاص لا تعرفهم ..ولا تربطك بهم صله ..سوىرابطت السؤدد والكرامه التي تفيض منك اليهم حبا للمساعده لاغير..انت فعلا اسم يعتز به من تربطه بك علاقة اخويه صادقه متجرده من...الماديه الصارخه والتي طغت في هذا العصر ....يقول الشاعربالبيت الشعري...........لولا المشقة لساد الناس كلهم,,,,,,,,,,,,,الجود يفقر والاقدام قتال,,,,,,,









 

كرامه

قتال .

صح لسانك

وعادي هذا اقل واجب نقدمه لهذي الهويه..


وشكرا لك.