 |
 |
|
|
|
|
|
 |
 |
![[ للبيع ] جيب رانجلر معدل موديل 1995](http://www.t63ys.com/a3lan/sykan001.gif "[ للبيع ] جيب رانجلر معدل موديل 1995") |
|
![تغطية بطولة أمانة منطقة الرياض الرابعة [ سيارات - دراجات ]](http://www.t63ys.com/a3lan/rayadh-02[1].gif)
|
|||||||
 |
|
|
LinkBack | أدوات الموضوع | انواع عرض الموضوع |
05-06-2007, 11:34
|
#1 (permalink) |
|
عضو غير
    
|
حصرياً .. زيارتي لتشليح مخصص بالموستنقات والدخول في كواليسه
.. بسم الله الرحمن الرحيم ..  الموضوع يحتوي على صور كثيره ارجو الانتظار للتحميل كيف حال الشباب ان شاء الله الكل يكون بخير زي ما قريتو في الموضوع الموضوع صار مصادفه لا اكثر ولا اقل والتشليح ملك لعم احد الاصحاب هنا في ولايه كنتاكي طبعاً كانت الزياره مصادفه لانه اتصل علينا عشان نمره ولما وصلت للمكان شفت موستنقين قديمااات من ال60نات واقفات مرميات برا وانا استغربت الوضع غريبه هالموديل يكون مرمي هنا ولا احد معطي لها وجه   ومن اللقافه والمناظر في السور طلعت بهالصوره  وهذا واضح من برا  وبالمواقف كان فيه كم شغله واقفه ومحد معطيها وجه مثلها مثل غيرها   هذا طقته الشمس لين ما قال آمين  وهذا برا الموضوع  وانا قاعد اصور هالزباله الي مرميه برا طلع لي صديقي وقال وش قاعد تسوي قلت اصور هالاشياء الي ما تعرفون قيمتها بوريها ربعي بالسعوديه وكيف ترمونها ولا تهتمون لها قام يضحك علي وقال تعال داخل دخلت الصندقه الي هي مفروض مكتب البيع حق التشليح المكان عباره عن صندقه مليانه خرابيط والجدران مليانه صور موستنقات من جميييع الانواع والاشكال والموديلات وانا امشي لاخر الصندقه واشوف كراتين كامات الكرور والثلاجات الهولي والهدات والكربريترات مرميه في كل مكان وصلت اخر الصندقه وصلت لباب القراج اول ما دخلت قابلت هالمزيون  هالمكينه فرش طااازه توها مركبه حتى ما اكتملت زي ما تشوفون ورا المكينه كان فيه شاصي في بدايه مرحله الترميم وهذي صورته  لحقت صاحبي ودخلنا في قراج مضلم قالي بعد للثلاثه واشغل النور لما فتح النور ما اشوف لكم الا ....  بعضكم اكيد عرف وشي هذي لا لا خطا عليكم مو الي طلعت في الفلم gone in 60 second  الي هي هذي   هذي مبني بنفس الشكل والتفاصيل      وبنفس القراج كان في ثلاث بديات ما اكتملت وهذا واحد منهم  وبين ما انا مفهي واصور هالحلوين ويدخل راعي التشليح الي هو عم صاحبنا سلمت عليه وقعدت اسولف معه عن المكان والمشاريع الي ما اكتملت وهالشغلات وبعدها نادا ولد اخوه الي هو صاحبنا وقاله وده للقراجات الثانيه ووره الي فيهم سأله عادي ؟؟ قاله ايه عادي هذا صاحبك ومن السعوديه خليه يشوف مو مشكله وبطريقنا للجهه الثانيه من التشليح يقولي صاحبي انت محضوض قلت له ليش قال هالقراجات والله ما تنفتح لو مين ما كان انا الي اشتغل هنا ما شفت الي فيها الا كم مره وبعد ما وصلنا فتح لي الباب وكان اول منظر شفته هو هذا  وعلى اليمين كان فيه هذا  سياره جد صاحب المكان ومحتفضين فيها الى الآن ورا هالسياره الي ما ادري كيف عايشه الى الحين كان فيه باب يودي للقراجات الثانيه دخلت فيه وقابلني هذا  القراج هذا فيه 4 موستنقات كل واحد له قصه مختلفه الي شفتهو كان الاول وترا ما فيه منه الا اصدارات محدوده في العالم وهذا الثاني  وهذا الثالث  ويمكن يكون هو اميزهم لان موقع عليه مؤسس ورئس شركه شلبي وهذا هو التوقيع  وهذي صوره للاربعه وزي ما تلاحضون اني ما اهتميت في الاحمر الي ورا ما ادري ليش  وبعدها رجعت للقراج الي دخلنا منه القراج فيه 3 موستنقات وهذي صورهم اول واحد  وهذا الثاني وهو موديل 67 وعليه مكينه 427 دبل كربريتر والموتر مجدد بالكامل زي حاله الوكاله   على فكره هذا للبيع والي له خاطر يراسلني على الخاص وهذي صوره المكينه  والثالث في القراج هذا هو  وبالقراجات الاخيره كان فيه هالحلوه حقت الاستخدام اليومي   وبنفس المكان كان فيه مشروع قيد البنا وهو عباره عن GT 40 من فورد وهذي صور السياره الاصليه  وهذي السياره بس للاسف ما اكتملت الى الآن   طبعاً النسخه الي قاعد يبنيها نسخه قديمه شوي يعني مو مطابقه للي بالصوره ميه بالميه وبطريق الرجعه للمكتب شفت اشياء كثيره بالنسبه لي حرام تنرمي كذا مثل .      وبعد ما وصلت للمكتب وسلمت على راعي التشليح وتشكرت منه طلعت من هالمكان وانا اتحمد ربي صحيح مقهور لكن الحمد لله على كل حال حبيت انقل لكم الموضوع واترك لكم الموضوع وانتظر منكم الردود وارجوا من كل واحد حاب ينقل الموضوع لمكان انه يذكر انه منقول وياليت يرفق اسمي لاني والله تعبت على هالموضوع وابو فهيد شاهد  واحلى تحيه 
__________________
 أبو رزان  التعديل الأخير تم بواسطة A s H e Q ; 05-06-2007 الساعة 15:10. سبب آخر: تنسيق الموضوع |
|
|
|
05-06-2007, 15:17
|
#2 (permalink) |
|
مـشرف صـور السيارات
 
|
.
. ما شاء الله تبارك الله صراحة تشليح خطييير بالمره خصوصاً المواتر المجددة اللي بالقراج خيااال واما الموترين اللي بأول صورة يبي لهن واحد فاضي وكاش ويظبطهن من أحسن ما يكون أخوي فتى عنيزة ( مراسلنا من الولايات المتحدة الامريكية ) حقيقة أمتعتنا بهالجولة الحلوة والصور الخطيرة والعلومات المفيدة تسلم يمينك يالغالي والله يعطيك العافية وألف شكر وما تقصر ومنتظرين جديدك على أحر من الجمر الموضوع  مثبت وهذا أحلى تقييم لأقوى موضوع  تحياتي
__________________
 شكراً للإخوان - صهيب + غزال - |
|
|
|
05-06-2007, 15:23
|
#3 (permalink) |
|
عضو متميز
|
ياساتر
الصراحه شي خيالي وبقووووه نعم مجدعه عاد يسولف علي حدا الشباب توه جاي من امريكا يقول ارخص ما عندهم الموستنق لكن مدري عن القديمات الجدد هذولي يمكن غاليات خصوصا السودا الي تقول للبيع ودنا تستفسر عن السعر نشوف ان كانه يجوز لنا توكلنا لان واحد من العيال يبي وحده بيحط له مكينه للدرق ريس والا القرنبعات اولا لانهن رخاص بس مشكلتهن ما يدخلن من الجمرك لازم يكونن سليمات ومصلحات واخيرا مشكور وما قصرت الصراحه يعورن القلب
__________________
 4500EFI its a Real Engine |
|
|
|
05-06-2007, 18:43
|
#9 (permalink) |
|
مـشرف الـحـراج والـمـعـارض
|
مشكور أخوي (((فتى عنيزة)))
أشكرك على الموضوع الأكثر من رائع تستاهل التقييم،وتستاهل التثبيت،وتستاهل كل خير ؛؛تقبل شكري؛؛
__________________
الله أكبر , الله أكبر .. لا إله إلا الله .. الله أكبر , الله أكبر .. ولله الحمد .. :::::::::::: لا تنسوا التكبير أحبتي في هذه الأيام الفضيله .. |
|
|
