 |
 |
|
|
|
|
|
 |
 |
 |
|
![تغطية بطولة أمانة منطقة الرياض الرابعة [ سيارات - دراجات ]](http://www.t63ys.com/a3lan/rayadh-02[1].gif)
|
|||||||
تغطيات تطعيس : قسم خاص للتغطيات المتعلقة برياضة السيارات والدراجات النارية , مواضيع هذا القسم تندرج مع المواضيع بعد موافقة الإدارة عليها |
 |
|
|
LinkBack | أدوات الموضوع | تقييم الموضوع | انواع عرض الموضوع |
21-09-2004, 18:36
|
#1 (permalink) |
|
الكابتن محمد الصولي
  
|
لعيون الشباب... هدية كروكيات مع وصف لأشهر مواقع التطعيس بالرياض....
ياهلا بالشباب...............
بعد أن قرأت مطالبات كثير من الشباب؛ بتواصيف لمواقع التطعيس والتحديات، أبت نفسي إلا أن تجيب طلباتهم... <<<< وش رأيكم بالفصحى... وطبعاً فتحت برنامج تصميم ورسم وبدأت أرسم يدوياً؛ واستطعت أن أرسم ثلاث رسمات: ثنتين للهرم، ووحده للخرارة.... واعذرونا على الخلل وعدم دقة اللفات والزوايا...... وطبعاً المسافات والأطوال ليست دقيقة.... ونبدأ التواصيف: أولاً: الهرم وطعوس خزام... أسهل طريق هو أن تتجه إلى المطار إلى أن ينقسم الطريق يمين إلى الصالات ويسار إلى منطقة المساندة والحي السكني... تمسك الطريق الأيسر.. وتحط رجلك بس انتبه للاشارتين والتقاطع.. عادي تقطع الاشارة لكن انتبه للغشمان اللي يجون من الجهتين... المهم ابتل مع الخط إلين يلف بك الخط يمين شوي بعدين يمين قوة؛ تبي تشوف على يمينك حاويات دائرية كبيرة تابعة لأرامكو.. وتجيك اشارة.. ديور (ارجع) مع الاشارة، وادخل مع أول لفة يمين.. ابتل لين يجيك بوجهك دوار حق بوابة مزرعة خزام؛ رح مع الدوار يمين، ابتل موازي لسور المزرعة مع الخط بيجيك لفة يمين للي جايين من دوار العويضة، تعده وابتل موازي السور، يبي يجيك لفة يمين ثانية للي جايين من الجنادرية؛ وقف واتبع الآتي: 1- إذا كنت تبي تروح لطعس خزام الأول والثاني؛ رح يمين مع اللفة.. يبي يجيك خزام الأول على يسارك، ويبي يجيك مدخل لطريق رملي غير ممهد على اليسار، ادخل معه وابتل مع جرر (خطوط) السيارات لين يجيك خزام الثاني على يسارك.. 2- إذا كنت تبي تروح للهرم فأنت ابتل مع دربك الموازي لسور مزرعة خزام، لين يجيك لوحة على اليمين مكتوب عليها (( الـنـقـا )) رح معها يمين، يبي ينتهي المزفلت على طول وتبدأ الجادة أو الردمية الممهدة؛ خلك معها على طول وتكفون لا تسرعون عشان ما ترشقون بعض بالحصى، المهم ابتل مرة لا يمين ولا يسار يبي يرجع المزفلت ثم ينتهي مرة ثانية؛ ما عليك أنت ابتل لين يجيك مسجد على اليمين، تبي تشوف الطعس أو الهرم واقف شامخ يتحدى كالجبل الأشم على اليمين؛ ادخل بعد المسجد يمين مع أي جادة، لين توصل الهرم؛ واستمتع بيومك.................................. ---- الكروكي ----  يتبع.... ودمتم سالمين.................................. ........................................ ...............................
__________________
Diver & Driver  |
|
|
|
21-09-2004, 18:51
|
#2 (permalink) |
|
الكابتن محمد الصولي
|
ثانياً: وصف آخر للهرم...
هناك طريق آخر للهرم وهو أسهل وربما أقرب، ولكنه متعب للمواتر ومجهد <<< لازم الفصحى.. عشان تفهم هذا الوصف ركز شوي؛امسك خط القصيم اللي هو امتداد لطريق الملك فهد (انتبه من الرادار تراهم أحياناً يتمنذلون) لين تجيك نقطة تفتيش خط القصيم الثابتة الأولى (تبي تشوف عندهم غرفة مبنية)؛ تعد النقطة وابتل لين يجيك أول معبر جمال بعد النقطة، ادخل مع المعبر يمين، تبي تشوف جادة (ردمية ممهدة) امسكها وابتل معها على طول (لا تسرع وانتبه من الجفر والمطانيج)؛ تبي تشوف الهرم قدامك واضح بعد مسافة مهيب طويلة ولا قصيرة؛ وتبي تتقاطع مع الردمية اللي جايه من مزرعة خزام والعاذرية؛ أنت ما عليك إلا انك تنصى الهرم إذا تبين لك... واستمتع بيومك.................................. ## ملحوظة: إذا كان الجو صافي بالنهار، وكانت الشمس مهيب قبالك، تبي تشوف الهرم شامخ وواضح من بعيد، على يمينك وأنت عند معبر الجمال على خط القصيم..... ---- الكروكي ----  يتبع.... ودمتم سالمين.................................. ........................................ ............................... |
|
|
|
21-09-2004, 19:26
|
#3 (permalink) |
|
الكابتن محمد الصولي
|
ثالثاً: وصف لطعس الخرارة وأم دكة وأم جمس...
الوصف هذا مهوب صعب لكن كثيرة دعاويسه، ويبيله تركيز عشان كثرة الطرق البرية الرملية <<<غريبه مهيب فصحى... بداية الوصف لازم تمسك خط مكة؛ وكلنا إن شاء الله نعرفه، المهم ابتل مع خط مكة وانزل طلعة القدية، وابتل لين يجيك على اليمين محطة كبيرة اسمها (( اجزالا ))، وقف عندها وخلص أمورك (دعاية)؛ ثم ارجع للخط وابتل لين يجيك أول كبري بعد محطة أجزالا، به لوحة مكتوب -شرق المزاحمية- ارق الكبري ورح يسار، يبي ينقسم الخط رح يمين، وابتل لين يجيك حرف T رح يمين ثم اجباري يسار، ابتل يبي يجيك حرف T مرة ثانية رح يمين ثم اجباري يسار، وابتل لين يجيك حرف T مرة ثالثة رح يسار، وابتل مع هالخط يبي يلفلف بك يمين يسار ويرقى بك وينزل، الين تجيك لوحة على اليمين مكتوب ((( روضة الخرارة )))؛ وقف عندها واتبع ما يلي: 1- إذا تبي طعس الخرارة.. ادخل يسار باتجاه الروضة؛ أول ما تدخل يبي يجيك مدخل رملي على اليسار نسم كفراتك وادخل معه، يبي يصير على يسارك شبك بعد فترة، امش مع الجادة موازي الشبك، وابتل لين يلف الشبك يسار (زاوية)، أنت اترك الشبك وواصل مسيرك على طول، بعد مسافة تبي تنزل الجادة (خطوط السيارات) أول ما تنزل وتستوي الأرض التفت يسار تبي تشوف المرقى (الطعس) على يسارك.... 2- إذا تبي طعس أم جمس.. ماأنصحك تروح لأن أولاً الوصف صعب لازم تشوف على الطبيعة أو تأخذ إحداثية وثانياً الطعس داخل مزرعة كبيرة وأحياناً تدور جيوب الحكومة فيها، وفيه كم واحد من الشباب مسكوا وأخذوا تعهدات.. 3- إذا تبي تروح طعس أم دكة.. خل لوحة روضة الخرارة على يمينك وابتل، يبي يجيك مسجد على اليمين، تعده وابتل وانتبه للفات ترا فيه كم وحده قوية، المهم ابتل لين يجيك على يسارك غرفة مبنية وعلى يمينك جادة (ردمية ممهدة)؛ ادخل مع الردمية يمين وابتل معها لين تنتهي، تبي تشوف خطوط (جرر) السيارات على الأرض متفرقة، امش معهن شوي لين يجتمعن ويشكلن درب رملي واضح، وابتل مع هالدرب لين تطيح بأرض طينية (طبعاً إذا جاء مطر، ولا تراها طين ناشف)، تبي تشوف الناس هناك مجتمعين، وتبي تشوف الجلسات يمين ويسار، والمراقي على يسارك.... واستمتع بيومك.................................. ## ملحوظة: لا تحاول تروح لحالك، لا تروح إلا إذا صار فيه اجتماع أو يوم خميس، لأن الغراز وارد، وكذلك عشان ما تضيع... ---- الكروكي ----  انتهت التواصيف؛ ولا تخلونا من ردودكم، ترانا تعبنا شوي، لكن أنتم تستاهلون هالتعب.... وإن شاء الله تستمتعون بأيامكم... ودمتم سالمين.................................. ........................................ ............................... |
|
|
|
21-09-2004, 20:02
|
#6 (permalink) |
|
مـديـر فـريـق الـتـغـطـيـات
عضو مجلس الإدارة  
|
حوض 454
. . تسلم والله لا حرمنا مثل هالديات :022: شغل نظيف بقوة وموضوع متميز ما شاء الله ما قصرت لبيت رغبة الاعضاء اللي ما يعرفون هذي المواقع الله يعيطك العافية اخوي . . 
__________________
 اللهم إنك عفو كريم تحب العفو فاعف عني |
|
|
