المعنى111

اخواني
الموتر ترتفع حرارته تلاث خطوط بعد النصف لاكن ما يفور الماء
الحاصل اذا دست له بنزين تنزل حرارته اذا كان واقف
مروحته عاديه
بعض الاخوان قالو لي حط مروحة كهربائية هذا هو الحل
رحت اسال عن المروحه
سعرها 840 ريال اصلية اركبها ولا فيه شي ارخص واحسن ممكن تركب؟
والبلف اغير الاصلي ولا اركب حساس مرسيدس 80؟
افتوني في امري جزاكم الله خير الجزاء ما ابي الورش يلعبون علي!!!!!!!!!1










 

rb3-900

هلابك اخوي

انا بعطيك الى عندي خبر فيه وجربته

الوكاله اتركهم عنك

كان عندي لكزس جي اس وحرارتها ترتفع تصفق الاتش رحت للوكاله ابغير المروحه حقت الكهرب ((هي تجي مروحتين كهرب في الامام + سير بالخلف على البكرات))
قالو لي ادفع 650 ريال سعودي ريال ينطح ريال رحت للتشليح واخذت لي مروحة حقت دوج فان قديم وركبتها

بعدها الحرار ماترتفع فوق النص بعز الضهر والمكيف شغال وكل الشغله ماكلفتني 200 ريال((المروحه+شغل اليد)) طبعاً المروحه الى اخذتها تجي سرعتين تكون شغاله مع المكيف واذا ارتفعت الحراره اسرعت زياده

فنصيحتي لك شف لك اي مروحه ممكن تركب على الشروكي وتكون ممتازه وماتخرب وركبها و وفر قريشاتك من هلس الوكالات

والخبر الاكيد بتلقاه عند اصحاب الشروكي بالنسبه للمروحه الى تركب عندك بسهوله

اتمنى اكون افدتك يا تاج راسي

تقبل تحياتي واشواقي

اخوك
عزوز









 

فني الشروكيات

حياك الله أخوي،

ركب مروحة سوبارو كهرب، وشيك على دورة الموية: الرديتر، الطرمبة، الخراطيش، الطبات، لا يصير فيه شي وصخ، او شي يهرب..

وان شا الله تمشي امورك..









 

المعنى111

وين احصل مروحة السوبارو وكم سعرها بالرياض
وهل هي تركب مباشرة مثل حقة الوكاله ولا ترهيم









 

أبوطرق

عند الكهربائيين او بالتشاليح

سوبارو صغيره موديل 96

والرياض عندك الشباب يعلمونك عن الورشات اللي تركبها

أنا أذكر سليمان الخطيب بالصناعية القديمه وواحد اسمه ابوصالح









 

__________________