sunny

ياهلابأهل الغربيه

ان شاء الله بالاجازه ذي انسير على الغربيه مكة والطائف وجده بس جده يومين بالكثير


ومثل ماقلت لك نبي نشوفك ياحلوو









 

__________________
أستغفر الله العضيم وأتوب إليه

سجين الذكريات

اولا اخوي شكرا ع المقاطع ,,

والله يهنيك بموترك ويعطيك من خيره ويكفيك من شرهـ ,,

والرانجلر ما يحتاج من وحوش الدفع الرباعي ,,

انا والله جربت الشروكي لكن الكلاسيك موب الرنجلر وما شاء الله ما يحتاااج ,,,

وانا الان معي ربع تايوتا 2006

ولكن وانا اخوك صرت مرتاح جدا بعد شرائي الربع ,,

لا من ناحية ارتحت من قطع الغيار والصيانه والتحمل ولا من ناحية القوه في البر والارتياح ان معك سياره انشالله ما را تخرب الا بقدرة الله ,,

ولو افترضنا ان كلامك صحيح ان الرانجلر افضل من التيوتا بالطين وغيرهـ

فأقولك انا هنا بالسعوديه وخصوصا منتطقة نجد وش ابي بالي اقوى بالطين ولا بالثلج

وغيرهـ ؟

انا ابي شي قوي بالرمل ويتحمل وفيه قميته وكل شي

ما ابي موتر اذا طلعت للصمان ولاني حاط يدي على قلبي اخاف يخرب ولا ترتفع حرارته !!

الي احب اوصله ,,

ان هنا بالخليج ما ينفع الا التيوتا والنيسان بشكل عام الياباني بالنسبه للدفع الرباعي

وارجع واقول الرانجلر وحش ما يحتاج ,, ولكن ما يناااسب الخليج ,,

وانت ورأيك ع العين والراس ,, ( لانها مهما كانت فهي سياره لا راحت ولا جت )


شكرا لك واعتذر على اطالتي









 

OIIIIIIIO

هلا فيك
وحياك الله وراح تنورها
وراح اكون متواجد في المكان الي تبغاه طايف ولا مكه ولا جده ما عندك اي مشكله









 

ر ن ى 104

وين لاقينا
تايوتا احسن
شي










 

__________________
مع تحيات

ر ن ى 104

OIIIIIIIO

ما شاءالله الله يعطيك خيره ويكفيك شره

شي طبيعي الواحد يخاف لان الشروكي تقريبا بيكون موديله الي معاك 2000 او 20001 يعني له 8 سنين وهذا اذا ما كان اقدم من كذا .. والله اعلم سعودي ولا امريكي

والربع الي معك ما شاءالله جديد 2006 شفت الفرق ؟

بس لو مثلا معك شروكي جديد كرت يعني << راح تخاف وتحط يدك على فقلبك ؟ ما اعتقد

وصحيح Jeep ليس له سوق في عندنا مثل تويوتا والنيسان وهذي تدخل في اسباب ( عند البيع . اغلب العالم تتخوف من Jeep بسبب الوكيل , والقطع الغيار )

اقتباس:

---

انا ابي شي قوي بالرمل ويتحمل وفيه قميته وكل شي

---

الي يميز الشروكي والرانجلر عن بقيه السيارات الدفع الرباعي

وحش في الرمال
وحش في الجبال
وحش في الوحول
وحش في الوديان
وحش في العزم
وحش في الخطوط

غير كذا داخليه الرانجلر افضل من الربع , مميزات الرانجلر افضل من الربع من ناحيه فخامه او نظام الدفع الرباعي او من ناحيه نظام التعليق في السياره

يعني مصمم على جميع الاجواء بغض النظر عن حرارته ولا خرباته
وانا الحمدلله جربت اكثر من Jeep ومرتاح معاها وخاصا الرانجلر


يعني مميزات Jeep تغطي عن عيوبها

واتشكرك اخوي على نقاشك وتفهمك وفي الاخير مثل ما قلت كلها سياره

ومبروك عليك الربع << ها ايش رايك تقاوم ؟

وحياك الله









 

سجين الذكريات

لا لا ماظنتي انه بيروح ع الربع بالرمل صدقني والله ماتروووح ,,,


صادق الشروكي الي كان معي 2001 ولكن ما تجربة بعض الزملاء للرانجلر

الجديد 2005 و 2006 ما يمدحونه ابد من ناحية الصيانه حتى قطع الغيار غاليه وغير كذا احيانا يقولك مو موجود او انتظر ,, واذا طلعت للبر في النهار ما يمديك تمشيلك حبتين الا والحراره اتش


الشروكي ما يناسب اجوائنا حتى على لسان احد الميكانيكيين الفلبينيين ,,


وصدقت من الداخل الرانجلر احلى ,,

بس الربع من الخارج بجنوط الفراشه ما اتوقع في احلى منه


اسف من الظلم مقارنة الرانجلر في الربع ,,


واهنيك على طولت بالك وسعة صدرك واسعدني الاخذ والعطى معك









 

jeep_055

يعطيك العافية على الفيديو وبصراحة ما اشوف مقارنة وبعيد عن التعصب والحوارات الي مامنها فايدة

لكل نوع من السيارات معجبين

واخوي بالجيب OIIIIIO اشكر ذوقك الرفيع باختيارك للجيب(طبعا الجيب الاصلي)ماعلي من الجيوب التجارية الثانية

وبصراحة العالم كلة يقول ويحب jeep ورانجلر ويعدلة من ايام الويلز وطبعا عارفين من سنة كم اتكلم
...التيوتا عندنا بالخليج بس

واكبر تعديل علية جلاد عالكبوت والسقف(وهذا الي ما استوعبتة للآن) وخطين عالبدي

مع احترامي لاخواني اصحاب التيوتا

ومهما تناقشنا بيضل شعار ((لاجيب إلا جيب)) موجود وماعلية أي خلاف









 

__________________
It's a Jeep Thing, You Wouldn't Understand

سجين الذكريات

ههههههههههههههههههههههههههههههههههههه

فيه عنيد جديد اسمه جيب 055

اخبارك انشالله طيب ؟

اجل ما عدل الا بـ جلاااد عالكبوت وعالتنده هههههههههههه ولا وخط بالجنب ,,

طيب اطلعلي بالجيب حقك بالرمل وانا اعلمك وش يسوي ابو جلاد ع التنده وخطين على الجنب












 

jeep_055

ههههههههههههه



الظاهر مافية حل إلا ان المنتدى ينقسم نص للجيوب الامريكية ونص للجيوب اليابانية









 

OIIIIIIIO

اقتباس:

---

لا لا ماظنتي انه بيروح ع الربع بالرمل صدقني والله ماتروووح

---

,,,لا تحلف وانت مو متأكد
لان لو لاحظت جيوب رانجلرات موديلاتها في 90 الى 95 تقاوم ربوع على موديلات 2000 وفوق

اقتباس:

---

الجديد 2005 و 2006 ما يمدحونه ابد من ناحية الصيانه حتى قطع الغيار غاليه وغير كذا احيانا يقولك مو موجود او انتظر ,, واذا طلعت للبر في النهار ما يمديك تمشيلك حبتين الا والحراره اتش

---

كلام فاضي وبالعكس الرانجلرات من موديل 2005 و 2006 يعتبر افضل صيانه في وكاله المتحده صح صيانتهم زي وحههي بس في الا الاخير التشيك وكل شي مجانا بدل ما تدفع 500 و 1000 ريال يعني عليهم

من ناحيه القطع الرانجلر من موديل 1996 الى 2006 نفس الشكل يعني في قطع موديلات قديمه تركب على الجديد
وانا اعرف شباب يشتغلون في صيانه جيب يقولون الي مو متوفر للجيب2005 و 2006 ولازم طلبيه وتاخذ اسبوعين بالكثير الجرابكس لانه من 2005 نزل جربكس 6 نمر

من ناحيه الحراره اعرف واحد معاه رانجلر 2005 ماشي الحين 250 واظن دخل في 300 الف كيلو متر الرجال حق رجلات من شمال على جنوب غرب وشرق الي خرب عليه عامود الدركسون لان حق الرانجلر ضعيف ما يتحمل واغلبهم يركبون من شركات تعديل اوفر ويخدم اكثر وحرارته ولا احلى ما شاءالله
المهم ما علينا من الصيانه والقطع اهم شي عندي الاداء

اقتباس:

---

وصدقت من الداخل الرانجلر احلى ,,

---

ومافي اي مقارنه

اقتباس:

---

بس الربع من الخارج بجنوط الفراشه ما اتوقع في احلى منه

---

الربع يعجبني نصبته واذا الربع مافي احلى منه تقريبا اغلبكم ما شاف الرانجلر الريبكون الي يجي جنط 17 على كفرات مقاس 31

والرانجلر في التعديل لا يعلى عليه في الشكل والهيبه واكثر الشركات التعديل دايما تكون خاصه للرانجلر او الشروكي وفي وكل شي ويكفيك انه شكل Jeep الاصلي ما تغير الي طلع من بعدها جيوب مزيفه وتجاريه وفي الاخير لكل سياره عشاقها

اقتباس:

---

اسف من الظلم مقارنة الرانجلر في الربع ,,

---

هنا مشكله اصحاب الربع او التويوتا تقريبا ينكرون كل السيارات والي يسمعهم يقول مافي في العالم تصنع سيارات غير تويوتا

اذا فعلا من الظلم
طيب راح اسألك كم سؤال
كيف اداء الربع في الجبال والوحول والوديان ؟ وهل تتوقعه افضل من الرانجلر ؟
الربع معروف في المناطق الصخريه يجلس يفر في مكانه يعني نظام الدفع في الربع سيئ مقارنه بالرانجلر
غير كذا نظام التعليق في الربع من افشل السيارت 4x4 ولهذا الربع سريع الانقلاب في المناطق الجبليه عكس الرانجلر تمام نظام التعليق في الرانجلر جدا متطور صح انه مو افضل شي بس يجي منه
في الوحول والوديان لاحظ عزم الربع فيها يطيح بسرعه بشكل ما تتصوره وغير كذا تحسه جدا ثقيل وما تقدر تتمالكه وانا شفته بعيني وجربته في وادي في الطائف
اما الرانجلر تحسه يمشي على المويه وفي يدك الجيب يعني تستمتع بدون اي خوف

يعني صحيح الربع قوه وصلابه وتحمل لكن بصراحه 4x4 في النفود بسس وهذا حده ولا تنسى في النفود كوامري مشيت فيها يعني النفود مو هذاك الشي الي يقيس مستوه السياره

في الخطوط السريعه الربع افضل من الرانجلر في شي واحد الي هوا مافي تنسيم من الداخل وتقريبا صوت محركه خفيف وقليل تسمعه وانت داخل السياره
بس الرانجلر ازعاج من الداخل بس طبعا بحكمها سياره كشف وكل شي فيها يدوي اكيد راح تسمع اصوات بس عدلو هالنقطه في مسجل الرانجلر وسماعاته تعتبر افضل بكثير ب 1000 مره من سماعات ومسجل الربع
بس لو نجي في راحه الخط مره مافي اي مقارنه واظنك مجرب انت وحسيت في الفرق بين الشروكي والربع

اقتباس:

---

واهنيك على طولت بالك وسعة صدرك واسعدني الاخذ والعطى معك

---

وانا اسعد والله
وحياك الله
...









 

سجين الذكريات

اذا الرانجلر ما عدل والربع ما عدل لو ان الرانجلر مديله 2008

ارجع احلف والله ما يروح علي بالرمل ,, انا مجرب مع مديل 2006 وصاحبه سواق جيد

...........

ومن ناحية الوحل والجبال ومن هالكلااااام ,,

هذي النقطه شرحتها لك بأول رد لي

انا قلتلك انا وين ساكن فيه ؟

بالعربي انا بالرياض وطلعاااتي بالربع كلها للبر ,,

وش يوديني للوحول وللجبال ؟

انا ابي موتر يعطيني في البر وانا اشوف اكثر موتر يطرب في البر الربع بلا منازع ,,

واغلب الي يشرون ربع بالرياض والقصيم والشماال وكلهم راعين بر

وش يبون بوحول وجباااال ..

وارجع واقول الربع افضل من الرانجلر بالبر بـ 1000 مرهـ

علشان كذا تشوف الرانجلر ماله كرت عندنا والي يشترونه علشان سعره رخيص وتعديله رخيص ويشترونه ويخلونه سياره اظافيه ..

اهـ ذكرتني ايام التطعيس في الشتاااء

الحمد لله راعي الربوع كل الي يسوونه اذا خلصوو يعبون الكفرات ويرجعون ,,

اما حقين الرانجلر المسكين ما تهني ولا بيومه تلقاه يدور راعي ربع يسحبه يرجعه للصناعيه ما حصل سطحه ..









 

OIIIIIIIO

ياما جربت اقاوم ربوع في الرمال وبرانجلر موديل 2002 حق واحد من الشباب واغلب الربوع الي رحت معايها 2001 و 2002 و 2004
لدرجه صارو يقولون انت معدل لان مستحيييييييييل الرانجلر يروح على الربع<<< هذي من اسباب الناس الي لاعبين في عقولهم ان لا منافس للربع وهو مع الحقيقه الربع مقلب مجرد مظهر مثله مثل الهمر

اقتباس:

---

ومن ناحية الوحل والجبال ومن هالكلااااام ,,

هذي النقطه شرحتها لك بأول رد لي

انا قلتلك انا وين ساكن فيه ؟

بالعربي انا بالرياض وطلعاااتي بالربع كلها للبر ,,

وش يوديني للوحول وللجبال ؟

انا ابي موتر يعطيني في البر وانا اشوف اكثر موتر يطرب في البر الربع بلا منازع ,,

---

اذا على كذا لا تقول من الظلم مقارنه الرانجلر بالربع
لان المقارنه لو تبي تقارنها راح تكون على كل شي
واليسمع كلامك يقول الحين هالرانجلر مره ما يمشي بالرمال ؟؟
عشان تعرفو بس الرمال مو مكان لقياس مستوه السياره
بعدين لا تنسى انت تقارن الربع بألفضل شي واقوه شي وصلت له تويوتا وتقارنها مع الرانجلر الي في السعوديه من فئه الثانيه من الرانجلرات الي هي سبورت وصحارى
لمعلوميتك بس هناك الرانجلر الريبكون الي نزل من موديل 2003 الى 2006 الي يجي بمحرك هيمي 5.7 / 330 حصان يعني لو هذا موجود عندنا لا ربع ولا غيره ويجلس من اليوم لبكره ما يوصل لنص من قوته غير المحرك srt8 << اكيد فاهم قصدي لمن اقول srt ? وتجي على الرانجلرات الشكل الجديد
يعني الربع ما قدر على ابو محرك 4.0 205 حصان وهذا يعتبر شي بسيط من جيب

اقتباس:

---

علشان كذا تشوف الرانجلر ماله كرت عندنا والي يشترونه علشان سعره رخيص وتعديله رخيص ويشترونه ويخلونه سياره اظافيه ..

---

ومن ناحيه الواحد يشتري الرانجلر عشانه رخيص وتعديله رخيص هذا الي يفكر يشتري مستعمل مو جديد

اما الربع الواحد لو يبي يشتري ربع بس عشان لمن يجي يبيعه يمسك سعره مع ان السعر ما يستاهله مافي اي شي من مطور يحسسك راك سياره موديلات الثمانينات حتى الاربياج مستخسرين فيه

اقتباس:

---

اما حقين الرانجلر المسكين ما تهني ولا بيومه تلقاه يدور راعي ربع يسحبه يرجعه للصناعيه ما حصل سطحه

---

على اي موديلات تتكلم 91 92 ؟
واذا الرانجلر يبي سطحه لا تنسى اصحاب الربع اذا خرج مكان وشاف شي من Jeep في نفس المكان الي هوا في تلاقيه متطمن عشان لو غرز في من الي يسحبه << شوف المقاطع الي منزلها في موضوع Jeep vs toyota وراح تعرف كل شي < لا تنسى تشوف صفحه صفحه لان هناك في مقاوامات وفي سحب وفي فضايح وفي مقارنات بين Jeep وتويوتا

وذكرتي دايما اصحاب الربوع يا تلاقيه عنده كتف معوج يا تلاقيه عنده مشكله بظهره يعني عنده مشكله بجسمه بسبب السياره
وعشان كذا تلاقي لمن يروح مشوار وهو راجع يطالع في Jeep ويقول ااه بس لو معي جيب الحين كان تلاقيني مرتاح

نقاط اخيره الربع سياره هياط فقط لا اكثر رافعين سمعته للسما وهو ما يسوى شي
الربع بدون تعديل تمل منه بسرعه
الربع يطلع عضلاته في البر الي مشيت فيها سيارات بدون دبل وسيارت سيدان بس لمن يدخل في الصعب الكل يسحب نفسه
وترى حتى درجات ابو جنزير تمشي في الرمال

وفي الاخير انا اتكلم ان مميزات الرانجلر بكل شي افضل من الربع الي ميزته عند البيع فقط غير هالميزه ما تحصل شي









 

OIIIIIIIO

ههههههههه .. ولا تزعل نفسك خلاص تويوتا احسن شي