 |
 |
|
|
|
|
|
 |
 |
![[ للبيع ] جيب رانجلر معدل موديل 1995](http://www.t63ys.com/a3lan/sykan001.gif "[ للبيع ] جيب رانجلر معدل موديل 1995") |
|
![تغطية بطولة أمانة منطقة الرياض الرابعة [ سيارات - دراجات ]](http://www.t63ys.com/a3lan/rayadh-02[1].gif)
|
|||||||
| أفلام السيارات : جميع الأفلام التي تخص عالم السيارات |
 |
|
|
LinkBack | أدوات الموضوع | انواع عرض الموضوع |
12-09-2008, 23:46
|
#2 (permalink) |
|
موقف
 
|
آآآآآآآه يال GMC والله انه فارض هيبته من دون تنطق كلمة اسئل عنه ناصر الفراعنه و محمد بن الذيب
أنا لأوزع على الناس أبتساماتــي ... ياميتين المشاعر ويش يحييها حقك علي ماتدسم لي شنباتـــــــي ... وفعايل الناس ماتشبه مباديها والفرصه مواتيه والطاري مواتي ... والشعر حاجه تعنيني وأعنيها لكن ماهو يعبر عن معاناتــــــــــي ... ألا تعبر عن الدنيا ضواحيهــــا من تجربة ربع قرن عاشها ذاتــي ... ماكل فرق يهز القلب طاريهـــا ولا تحرش هجوسي في بنياتـــــــي ... تطابقت روس عجميها وياميها والا أمبراطورك الخافق ومشهاتي ... تطربخ في بركة الخفاق رجليها يا أول محطة غرام من محطاتــــي ... ليالي جمعتني فيك يسقيهـــــــا أجيك وأنا كبيراتن طموحاتــــــــــي ... وأروح وأنا محبلها ومعطيها وعليك قلبي ورا الأضلاع ماباتـــي ... ولا يقرب ديارك يوم أنويها ياكود جمس ماتنافى المسافاتــــــــــي ... ملكع بأول الدنيا وتاليها منحره لأقبل مع خشمه الطويلاتي ... منحر ذلول تزود بكبد راعيها ومرايته دون كبوته عريضاتــــــــي ... كفوف أمام مع دعوها ويدعيها ولهولي يبخ بلوفه بلوفاتـــــــــــــــــي ... يولع النار والا مايطفيها مابينه وبين اهل نجد علاقاتـــــــــــي ... لاهيب تدانيه ولاهوب يدانيها وصوته لاريح بنمره عقب زكاتــــــي ... تنهيدة اللي صدوق العشق كاويها تناحي بالمحبه بالتناهاتـــــــــــــــي ... ولا لقت المحبه من يناهيهـــــا ورفارفه يوم يصفق بالمطباتــــــــي ... ردوف بنت من النعمه تدربيها لا ناطحه هوا يبيته عاتـــــــــــــــي ... خايف انه من الزود متقفيهـــا ومساحتينه لاقامت تقبل وتاتــــــــــي ... أصبع عجوز كثيرات دعاويها عليها الأحياء تدخل جو الأمواتـــــي ... وعليها الأموات مدري وين أوديها الجكور أكبر عياله والبنياتـــــــــي ... اللكزس والبورش والبي أم وافيها أن قلت يا الجيب خاوه قال ما احاتي ... ماكل ديره يواليها اواليهــــــــا يشرب فناجيلي ويكسر بيالاتــــــــــــي ... يمد رجله على دربي ويثنيها أن قلت يا الفورد قال الفورد سكاتي ... بعض الطواريق ماودك تناحيها الجمس أبداع من كل أتجاهاتـــــي ... كنه قصيدتك ذيك اللي على أيها مصدر من الفجيرة بأسم كرواتـــي ... يدرس علوم الطبيعه في نواحيها وشراه واحد سعودي من أماراتي ... وباعه على حضرمي رايحن فيها والحضرمي كل ماخزن من القاتي ... الحاجه اللي على باله يسويهـــا لابغى يرهب كبار الحكوماتــــــــي ... رجله على قطعة الفرجه مضريها والا خواطر خفوقي وآخر أبياتــــــي ... قصايدي كل أبيها قد سمعتيها والله أني عشقت رضاك بالذاتــــــــي ... مابه مساحه بقلبي ما مشيتيها يانيلي العذب يا دجلاي يافراتــــــي ...ياديرة الحب شارعها وكبريها يا أبلغ قصيده عليها من حركاتــي ... تلتفت بالدهشه لعيني قاريها والى انتثر دمع عينك سوي سواتي ... قولي بكمك كذيه ثم مشيها الحزن يوم المفارق عاملا ذاتـــي ... فطرة فالأنسان مايقدر يخليها |
|
12-09-2008, 23:52
|
#3 (permalink) |
|
موقف
|
وهذي قصيدة ابو فارس ناصر الفراعنه
حييّت يا جمس(ن) جداد(ن) مشاريه** عبارتين (ن) بمية ألـف(ن) شرينـاه أربع ميا وخمسين من عند أهاليـه **آخـر موديـل بعالـم الشـرق عـزاه حالف حرام إني لاسوقه واعدّيه **يـوم إن ولْـد أمـه قصـر مـا تهقـواه جمس(ن) اليا شفته اعزا لك تقهويه** يا ِطيْب طِيْب القهوجـي كـان قهـواه تقول معـزوم(ن) لحفلـة سواريـه **جـاك امتشيّـك وامتعطـر ومحـلاه سوّاه لطوال الشـوارب مسوّيـه **مـا يركبـه يـا كـود حامـي حمايـا حر(ن) كفخ من فوق عالي مباديه **قـرم(ن) تلطّّـم وأشقـر الكنـت طفّـا يا ليت راعي الجمس يومه يسمّيه **على اسـم عنتـر والا بـو زيـد سمّـاه حيثه شنب يستاهل المدح زاهيه **ملعـون أبـو مـن لا قمـز لـه وحيّـاه من عزتـه مـا ركبـو أهـل الدلـع فيـه **ولا سوّوقـووه أولاد دادا وداداه الجمس أحبه حب غال(ن) لغاليه **حب(ن) عظيم(ن) حب نمر(ن) لوضحـاه ومن حشمته لا جيت اسافر اماليه **ولا خلّص المشـوار جيـت آترضّـاه يا شيب عيني يوم آجي له واراضيه **مثل الذي وسط الخلا شـاف لامـاه خطر(ن) ليا ناديته يقول لبيـه **ومـن دون سايـق يشتغـل مـن ورايـاه هو ميت(ن) فيّ وانا ميت(ن) فيه **ولو هو جديـد أحـب شوفـه وطريـاه XX حالف يمين انـي لاابيعـه ولا أهْفيـه** لوربّحونـي بألـف ألف(ن)مـدلاّه يوم الردي يبيع صاحبْه بجْنيـه **والله مـا ابيعـه دامهـا أم الطلـي شـاه حتى وأنا في المسجد الفرض اصلّيْه** أدعي لجمسي يا عسى الخلد مثـواه وان كان عنّي راح مانـي بناسيـه** كـود البـدو حـب المقاطيـن تنسـاه وتحرم علي نوره حرام(ن) مقفّيه ** وتحرم علي البيض مـن كـل منحـاه يا وين أبلقى لي حريص (ن) أوصّيه ** لا غبت عن جمسي يزوره ويرعاه في ذمتي بغالـي الـروح لاافديـه** ومـا ملـك عمـر المعنّـا ومخبـاه ومن جلدي البالي لاوقّي سماريه** ومن هو سعى للجمس ما خـاب مسعـاه يا لايمي في الجمس غادي وسفّيـه** بـلاك مـا شفتـه ولا شفـت حليـاه لي جمس مابه جمس مثله يباهيه** ولا في جمـوس الشـرق تلقـى سجايـاه من شاف فوقيّه وطالـع بحدريـه **والله ان يمـوووت ساعتـه داه بـرداه رمز الفخامه والاناقـه مـع التيـه** الحسـن والابـداع والعقـل والجـاه ذي اس از انترناشيونال عند قانيـه** مـا يكسـح اللـي للمهمـات يقنـاه مخروط والمخروط صعب(ن) تحديه** ويصعب على متن البسيطه مجـاراه ومكينته على أربعين وحواليه** وعمـوده علـى العشريـن حنـا خرطنـاه لاقـام بنزينـه تشخـر سِواقـيـه** الكلبليـتـر أسـمـع أمــره وودّاه وعلـى المكينـه والبساتـم يوديـه** وحمـر التوانـك جمّهـا ماذخرنـاه يا دوب تحتر البساتـم وتوذيـه** طـش الرديتـر غترتـه وألحقـه مـاه كن لون بنزينه بصفّايـة(ن) فيـه **أحمـر شفايـف عضّهـا الزيـن بشْفـاه وكن لون زيته يوم تكشف معاريه** ذهب جواهرجي علـى الكـف راعـاه وقزوز بالشكمان رجليـه وايديـه** بمكينـة(ن) بالخـام الاسـود مغطّـاه ونـوع الكرونـه رقـم 7 بطاريْـه** ورقــم 3 احتـيـاط(ن) حفظـنـاه وتروسهـا حجـم 4 يـا مقدّيْـه** مثـل القـلاده فـوق صـدر الخونـداه مثل المسدس يبرمه مـن يعبيـه** أبـو محالـه لا وطـا التـرس ماطـاه يفتر سير المروحه من تواليـه** وسيـر(ن) بـراس الدينمـو قـام يشعـاه المروحه هفّت وضفّـت سوافيـه** ذعـذاع غربـي(ن) تقافـت عشأيـاه وسرندل(ن) حمر البساتم تلاليه** وعمـود تيمـن غرهـدن فـي حجأيـاه صمّـام بوجيّـه بنـار(ن) يغذيـه** وتولـدت شرارتـه وأكـمـل اغــذاه ومفتول دفرنسه عـن القـاع حاميـه** عـن صكـة القيعـان يدفـع منايـاه الجمس كنّه متهم جاء محاميه** دفرنـس والقاضـي غـراز(ن) بصحـراه وكبـر المطبّـه مـا يغيّـر هقاويـه** ومساعداتـه عـن يمينـه ويـسـراه والاذرعه عن ميلة(ن) به تواسيه** كنها عضود ملاكـم(ن) شـرب غرشـاه وان شال حمل(ن) ما يكثّر شكاويه** ما شي يهمّـه والسسـت كلهـا افـداه كن رفرفيـن حـول حوضـه مداويـه** شيهانتين(ن)حوّمـن بالخضيـراه وكن لون كبّوته ولمعة عراويه** اخـدود أصالـه بأحمـر اللـون تطليـه وكنّه كلوديا شيفر(ن) في تمْدريه** تعـرض لنـا آخـر موديـلات الازيـاه وكن زول بدْيه يوم يغريك صافيه** مرليـن مـرّو وسـط فلـم(ن) لفتنـاه وكن الكفر لا جيت بالوصف ابدّيه** حب خال(ن) بسنـدي كرفـرد شفنـاه XX وكن نقشة جنوط الكفر في محانيـه** سجـاد شيرازيـة(ن) فـي مصـلاّه وصقلة قزازه يوم أردّ النظر فيه** مـن وجنـة كلـودا الشمالـي حلايـاه ولون المرايه من يراعيه يلهيه** مـن خلقتـه كـن أطـرق العـود يجـلاه ولو هي بها للعين فتنه وتمويه** بها تشوف العين اخريـم الابـره ومنشـاه أصفى من اللولو بمحّار شاطيه** مـعْ واحـد(ن) فـي مبـرم السلـك دلاّه وبغمزة سميره بنت توفيق أحلّيـه** لا أعطـى الاشـاره والمواتـر تقفّـاه XX مطربل(ن) مثل الصوامع عواليـه** والا غبيـط(ن) قـرّح الخيـل تتـلاه والا وليفي واشقر القرن كاسيـه** مـن فـوق كـرس(ن) تربّـع وواسـاه والله فـلا يلحـق موديلـه سفافيـه** البهبهانـي مـن حفيـزه خطفـنـاه مفضله عن نوع لكزس وكوبيه** ومحشّمه عـن مـا فـي حفيـزه وجدنـاه وكن الجميحيات من فوق أعاليه** شمع(ن) ببيت القدس ولّـع مـن أعـلاه والا كما رجم(ن) زما في صحاريه** علـى تليعـة مرقبـه شبـوا ارطـاه كن أيمن اصطبّه والايسـر موازيـه** عساكـر(ن) كـل(ن) بيمنـاه مشكـاه وعيون من قدام توْضي مساريه** كواكـب(ن) يشبـح لهـا واحـد(ن) تـاه لا شعشعن والليـل مِـرخ(ن) علابيـه** مثـل الزمـرّد شرّعنّـه صبايـاه والا مراية حاكـم(ن) عنـد عذْريـه** قدّامهـا مصبـاح تعكـس شظايـاه جمس(ن) شهر بين الامم اسم راعيه** تباشروا في البيت الابيـض خُبَـاراه يـوم اكتمـل نموذجـه عنـد واليـه** وتكامـل الهيكـل بكامـل مزايـاه وكل(ن) هتـف للثانـي ok ok** ثـم صممـوا سبعيـن مليـون شـرواه هذا خلاصة علم من فكّروا فيه** وتسعيـن عـام(ن) ليـن زجّـوا مطأيـاه صنعة مريكاني ماهوب نهيه ناهيه** بيموت أبو فسيّـه مـا سّـوا سوايـاه جمس(ن) يقرّب مبعدات المناويـه** دام الفتـى مـا حرّفـوا سـر دنيـاه سحبة غريق(ن) مد للقارب ايديـه** سحبـة سويّتشـه راس مفتـاح نـزّاه واليا أشتغل كنّه يذكّرك يـا هيـه** مسحـوب مشعـان الهتيمـي ومَغْنـاه وكن ريحته لا دسْت بنصه تحمْيه** عطر(ن) فرنسي من براضـان مجنـاه وكن حس ماطوره ورنّـة بواجيـه** يِسْمِعْـك دلعونـه ولالا ومـلالالالاه وصوته لمنّه مشـى يـا ممشّيـه** عـزف(ن) كلاسيكـي بكـازا سمعنـاه ونغمة صلانصيره ليا قمت توحيـه** تقسيـم عـود(ن) والمـروّس تقفـاه وكنّه لمنّه قحص أجراس تنبيه** عن قصـف جّـوي سـور بغـداد مرمـاه واليا احترك وانته على القار مْوطيه** يدْخلك في الجو الرومانسي بممشـاه X وان طب صبخا وانت عنها تِهَاديْه** موال سعـدون ابـن جابـر أويـلاااه وان كان تعتع ألعن أبو مجانيه** تْدلي حكي عـن شعـر قيـس(ن) بليـلاه جمس(ن) مشى مـن كـان قافيـه يعميـه** غبـاره يضيّـع دليلـك ويبـلاه ولولا البريك وفرمله ما يخلّيـه** مـع مسترقّـي السمـع جـاه مـا جـاه لا علّق البوري وصاحه يهدّيـه** مـا فيـه موتـر مـا سجـد لـه ولبّـاه X وفتـح لهـا مليارديـر(ن) مخابيه**وقامـت تخشّـع عـن يمينـه ويسـراه وان مال مع درب(ن) طعوس(ن) فيافيه** تقول امبراطور(ن) على جال مركاه X X هم ما دروا ان الجمس صعبه مراميه ** ويصعب على الرادار كشفة خفاياه صحيح من لا يعرف الصقر يشويه** والجمـس صقـر وكـرّم الله ملحّـاه أرقام طبلونه خديعه وتمويه **مـن شـآن مـا يِمنَـع ويخسـر وكـلااااااه والا ترى العـدّاد يـا جاهـل(ن) فيـه** ألفيـن كيلـو بالدقيقـه حسبنـاه يـا لعنبـوا جـدّه وجَـد(ن) مثنّيـه** اليـا ركبتـه والتـوانـك معـبّـاه متوجه(ن) ماهـوب يحتـاج توجيـه** بينـي وبينـه كلمـة السّـر ويـلاااه ويسوق عني ويوصل القلب أمانيه** وكفّي ترى لَيْ الدركسـون مـا جـاه وكل المواتر له عبيد(ن) وهو بيه** هذا ولـد عنـز(ن) وهـذا ولـد شـاه مصنوع لاولاد البشوات ترفيه** وكـم واحـد(ن) شـاف الملامـه تنصّـاه جمس آتغزّل به ولا من مشاريه** كـل(ن) علـى ماحـب قلبـه ومشهـاه ومن ذي وصوفه لو أقوصد وأغنّيه** والله فلا ألحق لـه نصيفـة مجـازاه واعداد ما يذري من الشرق ذاريه** صلوا على من زعزع الشـرك وانهـاه الـــشـــاعـــر / نــــاصـــــر iiالــفــراعـــنـــه السبيعي XX بـــــــيــــــــت iiمــــــــحــــــــذوف |
|
12-09-2008, 23:59
|
#5 (permalink) |
|
موقف
|
هذي قصيدة لاحد الشعراء
الجمس وصفه عجيب ومدحه الحاله=يستاهل المدح في فعله وفي زينه منهو شرا الجمس يستاهل له بياله=ابيالةً من يدين الخشف ليدينه لا صار سواق ومخاطر ويحتاله=ولاجت قوانين تطمرها قوانينه الجمس كنه احصانً مات خياله=عزوه يا الربع في فرقا محبينه سواقه اليوم ما يلقا عشا اعياله=ولا على غير حاجاته معنينه ولا انت يا بندر بن سرور تبقاله=مدام ذكرك على ذا الارض بتعينه من جور الايام والايام محتاله=تضحك على رفرفه والحزن في عينه ماجور يا الجمس في المعرض وفي الصاله=ودوه ... جابوه ...وابكتني شكامينه ما كنه الا يبي يوصي على حاله=ولا كنه الا سنافً قفت اسنينه |
|
13-09-2008, 00:01
|
#6 (permalink) |
|
موقف
|
هذه..للشاعر حمد هادي المسردي..
راكب اللي يقرب البعد لامنه زما..=..جمس شكمانين توه من امريكا ورد كن حس بلوفه مناقشات حزب علما.=.يدرسون محاضرات بجلسات جدد ادهم لادق سلفه وشغل واحتمى..=.كنه يقى سورة الله وحد فرد صمد فزته لافز كنه بيصعد للسما.=.مثل حر مطلقات سبوقه للهدد لاوطى ارض الجرز يرتكز عجه كما..=.قنف غر مرزمه في مقاديمه برد |
|
13-09-2008, 00:21
|
#8 (permalink) |
|
موقف
|
واسمع صوت الطرب واستانس واترك الجمس لهله والخيبه نعرفه زين وهذا بعد علشان تعرف الخايب منهو وشف الفرق موديل 79 و 2008 |
